आदिवासी आश्रम शाळेत विज्ञान प्रयोग शाळेचे उद्घाटन

आदिवासी आश्रम शाळेत विज्ञान प्रयोग शाळेचे उद्‍घाटन
मुरबाड, ता. १२ (बातमीदार) ः तालुक्यातील झापवाडी येथील आदिवासी आश्रम शाळेमधील विद्यार्थ्यांसाठी उभारलेल्या विज्ञान प्रयोग शाळेचे उद्‍घाटन माजी आमदार गोटीराम पवार यांच्या हस्ते बुधवारी (ता. ११) करण्यात आले. मुरबाड येथील उद्योजक तथा मुरबाड नगरपंचायतीचे नगरसेवक विनोद नार्वेकर यावेळी प्रमुख पाहुणे म्हणून उपस्थित होते. नार्वेकर यांनी आपल्या आईच्या स्मरणार्थ प्रयोगशाळेतील रूमचे बांधकाम केले आहे.
या शाळेत शिक्षण घेणाऱ्या ७३० विद्यार्थ्यांसाठी उद्योगपती हिंदुजा यांनी एक हजार ४६० गणवेश भेट म्हणून दिले. या कार्यक्रमासाठी जनसेवा शिक्षण मंडळाचे सचिव पांडुरंग कोर, कोषाध्यक्ष एडवोकेट प्रमोद चौधरी, उद्योजक विनोद नार्वेकर, बाळू चौधरी, मधुकर महोपे, अशोक पठारे उपस्थित होते
माजी आमदार गोटीराम पवार, पांडुरंग कोर आदींची यावेळी भाषणे झाली. आश्रम शाळेच्या मुख्याध्यापिका संजना घोरड यांनी उपस्थितांचे आभार मानले.

फोटो ओळी
मुरबाड ः विज्ञान प्रयोग शाळेचे मान्यवरांच्या हस्ते उद्‍घाटन करण्यात आले.