सागरी महामार्गासाठी निधीची तरतूद

सागरी महामार्गासाठी निधीची तरतूद
पालघर ः जिल्ह्यातील सागरी राष्ट्रीय महामार्गांच्या दुरुस्तीसाठी सार्वजनिक खासगी भागीदारी प्रकल्पांतर्गत तब्बल १६५ कोटींचा निधी प्राप्त झाला आहे. याअंतर्गत पालघर पाणेरी येथील कामाचे भूमिपूजन आमदार राजेंद्र गावीत यांच्या हस्ते करण्यात आले. डहाणू तालुक्यातील पारनाका ते पालघर तालुक्यातील पारगावपर्यंतचा रस्ता झाल्याने दळणवळण सुलभ होणार आहे. तसेच वडराई येथे धूपप्रतिबंधक बंधाऱ्याचे भूमिपूजनही या वेळी करण्यात आले. या बंधाऱ्यासाठी आठ कोटींच्या निधीसाठी आमदार गावीत यांनी प्रयत्न केले होते. या कामामुळे किनाऱ्याची धूप थांबणार आहे. दोन्ही कामांच्या भूमिपूजनावेळी माहीम सरपंच, सदस्य, सार्वजनिक बांधकाम विभागाचे अधिकारी उपस्थित होते.