विक्रमगड येथे शिवजयंती उत्सव उत्साहात साजरा

विक्रमगड येथे शिवजयंती उत्सव उत्साहात साजरा

विक्रमगड, ता. १९ (बातमीदार) : विक्रमगड येथे शिवभक्त मावळे मंडळ पुरस्कृत व पोलिस मित्रपरिवार पालघर जिल्हा आयोजित शिवजयंती उत्सव साजरा करण्यात आला.
विक्रमगड येथील पाटील पाडा, शिवजयंती चौक येथे साजरा झालेल्या कार्यक्रमात विक्रमगड पोलिस ठाण्याचे प्रभारी अधिकारी पोलिस निरीक्षक अजित गोळे यांच्या हस्ते शिवपूजन करून उत्सव सुरू करण्यात आला. याप्रसंगी विक्रमगड पोलिस ठाण्याचे पोलिस हवालदार उत्तम बिरारी, समीर आळशी, शिवभक्त मावळे मंडळाचे संस्थापक पंकज पाटील, दिनेश भानुशाली तसेच शिवभक्त मावळे मंडळाचे पदाधिकारी व सदस्य उपस्थित होते. गेली २२ वर्षे हा उत्सव अविरतपणे साजरा केला जात असल्याचे मंडळाचे संस्थापक पंकज पाटील यांनी सांगितले.