एसटी कामगारांचे "बोंब मारो" आंदोलन स्थगित

एसटी कर्मचाऱ्यांचे ‘बोंब मारो’ आंदोलन स्थगित
मुंबई, ता. २० : एसटी महामंडळाच्या राज्यभरातील कर्मचाऱ्यांना वेतनासोबत या महिन्यात वेतनवाढ फरक हप्ता न मिळाल्याने असंतोष पसरला होता. त्यामुळे राज्य सरकारच्या अर्थ खात्यातील अधिकाऱ्यांचा निषेध करत ‘बोंब मारो’ आंदोलनाची नोटीस एसटी कर्मचाऱ्यांतर्फे देण्यात आली होती; पण परिवहनमंत्री प्रताप सरनाईक यांच्या पुढाकारामुळे हा निधी देण्यास अर्थ खात्यातील अधिकाऱ्यांनी हिरवा कंदील दाखवला असून तात्पुरत्या स्वरूपात १०० कोटी रुपये इतकी रक्कम एसटीला देण्यात आली आहे. त्यामुळे मंगळवारपासून आझाद मैदानात होणारे ‘बोंब मारो’ आंदोलन स्थगित करण्यात आल्याची माहिती महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी दिली आहे.