धुतूम ग्रामपंचायत कार्यालयाचे उद्‍घाटन

धुतूम ग्रामपंचायत कार्यालयाचे उद्‍घाटन
उरण, ता. २१ (वार्ताहर) : छत्रपती शिवाजी महाराज यांच्या जयंतीच्या मुहूर्तावर धुतूम ग्रामपंचायतीच्या नूतनीकरण केलेल्या कार्यालयाचा उद्घाटन सोहळा उत्साहात पार पडला. सरपंच सुचिता प्रेमनाथ ठाकूर यांच्या हस्ते गणेश व शिवरायांच्या प्रतिमेचे पूजन करण्यात आले. जिर्ण झालेल्या इमारतीचे ग्रामनिधीतून नूतनीकरण करण्यात आले असून या नव्या कार्यालयामुळे ग्रामपंचायतीच्या कामकाजाला गती मिळणार आहे. यावेळी ग्रामपंचायतीचे प्रथम सरपंच स्व. रामदासशेठ नारायण ठाकूर यांच्या प्रतिमेचे अनावरण करण्यात आले. कार्यक्रमाला काँग्रेस जिल्हाध्यक्ष महेंद्र घरत, डॉ. मनिष पाटील, प्रियांका मढवी, निर्मला घरत, गटविकास अधिकारी सजैराव पाटील यांच्यासह माजी पदाधिकारी, सदस्य व ग्रामस्थ मोठ्या संख्येने उपस्थित होते. ग्रामविकासासाठी हा महत्त्वाचा टप्पा असल्याचे मान्यवरांनी सांगितले.