कोंबडीवरून झालेल्या वादात महिलांच्या मारहाणीत पीडितेचा गर्भपात

महिलांच्या मारहाणीत
पीडितेचा गर्भपात
भिवंडी, ता. २३ (वार्ताहर)ः भिवंडीतील शांतीनगर परिसरात कोंबडीवरून झालेल्या वादात तिघा महिलांनी केलेल्या मारहाणीत एका महिलेचा गर्भपात झाल्याची धक्कादायक घटना घडली. पोलिसांनी दिलेल्या माहितीनुसार, गायत्रीनगर परिसरात मंगळवारी (ता. १७) रात्री आठ वाजताच्या सुमारास पीडित महिलेसोबत एका कोंबडीवरून वाद झाल्याने जोहरा बानो आणि इतर दोन महिलांनी पीडितेच्या पोटात लाथ मारली. त्यामुळे पीडितेच्या पोटात दुखून रक्त त्रास होऊन गर्भपात झाला. याप्रकरणी पीडित महिलेने शनिवारी (ता. २१) दिलेल्या तक्रारीवरून, शांतीनगर पोलिसांनी जोहरा बानो आणि इतर दोन महिलांविरोधात गुन्हा दाखल केला आहे.