ब्रिजच्या भिंतींच्या गॅपमध्ये अडकलेल्या मांजरीच्या पिल्लाची सुखरूप सुटका

मांजरीच्या पिल्लाची सुखरूप सुटका
सकाळ वृत्तसेवा
ठाणे, ता. २४ : ठाणे महापालिकेच्या हद्दीतील गोकूळ नगर येथील पुलाच्या दोन भिंतींमधील जागेत अडकलेल्या मांजरीच्या पिल्लाची सुखरूप सुटका करण्यात आली आहे. हा प्रकार मंगळवारी (ता.२४) सकाळी समोर आल्यावर आपत्ती व्यवस्थापन कक्षाच्या तत्परतेमुळे त्या मांजरीच्या पिल्लाला जीवनदान मिळाले.
गोकुळ नगर येथील पुलाच्या दोन भिंतींच्या रिकाम्या जागेत मांजरीचे पिल्लू अडकल्याची माहिती दक्ष नागरिक कारंडे नामक व्यक्तीने फोनवरून मंगळवारी आपत्ती व्यवस्थापन कक्षेला दिली. माहिती मिळताच आपत्ती व्यवस्थापन कक्षाचे कर्मचारी तात्काळ घटनास्थळी धाव घेत, त्या कर्मचाऱ्यांनी सुरक्षित पद्धतीने बचावकार्य राबवत अडकलेल्या पिल्लाला बाहेर काढून जीवनदान दिले. या घटनेत कोणतीही जीवितहानी अथवा दुखापत झाली नसल्याची माहिती आपत्ती कक्षेने दिली.