मुंबई पुणे एक्सप्रेस वर 65 वर्षीय वृद्धाकडून तरुणीचा विनयभंग

६५ वर्षीय वृद्धाकडून
तरुणीचा विनयभंग

खालापूर, ता. २५ (बातमीदार) ः मुंबई-पुणे द्रुतगती मार्गावर एसटी प्रवासात ६५ वर्षीय एका वृद्धाने एकोणीसवर्षीय तरुणीचा विनयभंग केल्याची घटना बुधवारी (ता. २५) घडली. पीडित तरुणीच्या तक्रारीवरून, वृद्धाविरोधात गुन्हा दाखल करण्यात आला आहे. पीडित तरुणी पुणे येथे नोकरीस असून, मंगळवारी (ता. २४) स्वारगेट ते ठाणे असा एसटीने प्रवास करत होती. मुंबई पुणे द्रुतगती मार्गावरून आडोशी बोगद्यातून एसटी जात असताना मागील सीटवर बसलेल्या वृद्धाने पीडित तरुणी झोपलेली असताना तीला अश्लील स्पर्श करत मनास लज्जा उपन्न केली. पीडित तरुणीने याबाबत खोपोली पोलिस ठाणे येथे तक्रार दिली असून, आरोपीविरुद्ध गुन्हा दाखल करण्यात आला आहे. या प्रकरणाचा अधिक तपास पोलिसांकडून करण्यात येत आहे.