ओढांगी येथे दत्तात्रेय बुवा पाटील प्रवेशद्वाराचे भूमिपूजन

ओढांगी येथे दत्तात्रेय बुवा पाटील प्रवेशद्वाराचे भूमिपूजन
शिष्यवर्गाच्या पुढाकारातून उभारणार स्मृतीचिन्ह; वारकरी संप्रदायातील भाविकांची उपस्थिती
पेण, ता. २६ (वार्ताहर) : पेण तालुक्यातील ओढांगी येथे भजनसम्राट दत्तात्रेय बुवा पाटील यांच्या नावाने उभारण्यात येणाऱ्या प्रवेशद्वाराचे भूमिपूजन नुकतेच करण्यात आले. गेल्या काही वर्षांपासून ओढांगी व परिसरात भजन-कीर्तनाची परंपरा मोठ्या प्रमाणात वाढली असून वारकरी संप्रदायातील भाविकांची येथे सतत वर्दळ असते. भजनसम्राट दत्तात्रेय बुवा पाटील यांनी आपल्या सांप्रदायाच्या माध्यमातून अनेक शिष्य घडविले असून त्यांच्या कार्याच्या स्मरणार्थ हे प्रवेशद्वार उभारण्याचा निर्णय शिष्यवर्गाने घेतला आहे.
भूमिपूजन कार्यक्रमास वाशी ग्रुप ग्रामपंचायतीचे सरपंच व सदस्य, खारभूमी विभागाचे निवृत्त अधिकारी अर्जुन कोळी तसेच वाशी-ओढांगी पंचक्रोशीतील ग्रामस्थ मोठ्या संख्येने उपस्थित होते. प्रवेशद्वारासाठी लागणारा सर्व खर्च शिष्यगणांकडून करण्यात येणार असल्याची माहिती यावेळी देण्यात आली.