बाजारपेठांमध्ये शिमगोत्सवाचा उत्साह

बाजारपेठांमध्ये शिमगोत्सवाचा उत्साह
पालघर, ता. १ ः बाजारपेठेत आज शिमगोत्सवाचा उत्साह दिसून आला. होळी रंगासह आकर्षक रंग, पिचकाऱ्यांसह होलिका पूजनासाठी विविध पूजा साहित्याबरोबर रंगबिरंगी टी-शर्ट्स बाजारात उपलब्ध झाल्याने लहानग्यांमध्ये उत्साह संचारला आहे.
ग्रामीण भागात होळीला दोन-चार दिवसआधी सुरुवात होते. लहान होलिका दहनाला जिल्ह्यात सुरूवात झाली आहे. मात्र, धुळवडीला खऱ्या अर्थाने सर्वत्र उत्साह दिसतो. धुळवडीसाठी जिल्ह्यातील प्रमुख बाजारपेठा विविध प्रकारच्या पिचकाऱ्या, रंगांनी सजल्या आहेत. विविध रंग, फुगे, पिचकाऱ्या खरेदीसाठी बच्चे कंपनी गर्दी करताना दिसत आहे. छोटी बंदूक, प्रेशर गन, पाठीवरील पिचकाऱ्या ५० रुपयापासून हजार रुपयांपर्यंत उपलब्ध आहेत. कार्टूनच्या आकाराची पिचकाऱ्याची लहानग्याना भुरळ पडत आहे. तर यंदा रासायनिक रंगाएवजी नागरिक नैसर्गिक रंगांना प्राधान्य देत आहेत.