मुलुंड डंपिंग ग्राऊंडवर २२ मेट्रीक टन कच-यावर प्रक्रिया

मुलुंड डम्पिंग ग्राउंडवर २२ मेट्रिक टन कचऱ्यावर प्रक्रिया
२४ हेक्टर डम्पिंग ग्राउंडची जमीन पुन्हा मिळणार
सकाळ वृत्तसेवा
मुंबई, ता. २८ ः मुलुड डम्पिंग ग्राउंड येथील मार्च २०२६ पर्यंत उर्वरित सुमारे २२ लाख मे. टन कचऱ्यावर प्रक्रिया करून आणि त्याची विल्हेवाट लावून क्षेपणभूमीची सुमारे २४ हेक्टर जागा पुनःप्राप्त करण्यात येईल, अशी माहिती पालिका प्रशासनाने दिली.

मुलुंड डम्पिंग ग्राउंडवरील ४८.१३ लाख मे. टन इतक्या जुन्या साठलेल्या कचऱ्यावर प्रक्रिया करून त्याची विल्हेवाट लावण्यात आली आहे. मार्च २०२६ पर्यंत उर्वरित सुमारे २२ लाख मेट्रिक टन कचऱ्यावर प्रक्रिया करून व त्याची विल्हेवाट लावून क्षेपणभूमीची सुमारे २४ हेक्टर जागा पुनःप्राप्त करण्याचे पालिका प्रशासनाचे नियोजन आहे.

देवनार क्षेपणभूमी येथे बायो सीएनजी प्रकल्प
पालिकेने देवनार क्षेपणभूमी येथे बायो-सीएनजी प्रकल्प उभारण्यासाठी महानगर गॅस लिमिटेड यांच्यासोबत सामंजस्य करार केला आहे. सध्या ५०० टन प्रतिदिन नागरी घनकचऱ्यापर्यंतच्या संबंधीच्या मंजुरीची प्रक्रिया सुरू आहे. हा प्रकल्प ऑक्टोबर २०२७ पर्यंत कार्यान्वित होईल, अशी माहिती पालिका प्रशासनाने दिली.