विज्ञान प्रदर्शनाला उत्स्फूर्त प्रतिसाद

विज्ञान प्रदर्शनाला उत्स्फूर्त प्रतिसाद

पालघर (बातमीदार) : भगिनी समाज संस्था संचालित प्राथमिक विद्यामंदिर विभागाच्या वतीने विज्ञान दिनानिमित्त शनिवारी (ता. २८) विज्ञान प्रदर्शनाचे आयोजन करण्यात आले होते. विद्यार्थ्यांमध्ये वैज्ञानिक दृष्टिकोन निर्माण व्हावा, प्रयोग साहित्याची मांडणी करता यावी, तसेच सादरीकरण, पदार्थाचे गुणधर्म, नावीन्यपूर्ण संकल्पना, दैनंदिन जीवनातील उपयोग, श्रम व वेळेची बचत आणि विद्यार्थ्यांनी केलेली नावीन्यपूर्ण कलाकृती राष्ट्रासाठी उपयोगी व्हावी, ही उद्दिष्टे डोळ्यासमोर ठेवून मुख्याध्यापिका प्रीती वर्तक यांच्या मार्गदर्शनाखाली विज्ञान प्रदर्शनाचे आयोजन करण्यात आले होते. शाळेतील शिक्षकांनी प्रयोगांचे मूल्यमापन करून क्रमांक देत विजेते घोषित केले. या प्रदर्शनात इयत्ता सहावी व सातवीच्या वर्गातील एकूण ४८ प्रयोग मांडले होते.