राष्ट्रीय विज्ञान दिन विक्रमगडमध्ये साजरा

राष्ट्रीय विज्ञान दिन विक्रमगडमध्ये साजरा
विक्रमगड (बातमीदार) ः देशात २८ फेब्रुवारी हा दिवस ‘राष्ट्रीय विज्ञान दिन’ म्हणून साजरा केला जातो. महान भारतीय शास्त्रज्ञ सी. व्ही. रामन यांनी २८ फेब्रुवारी १९२८ रोजी लावलेल्या ‘रामन परिणाम’ या शोधाच्या स्मरणार्थ हा दिवस साजरा केला जातो. विक्रमगड हायस्कूल, कनिष्ठ महाविद्यालय, विक्रमगड येथे राष्ट्रीय विज्ञान दिन उत्साहपूर्ण वातावरणात साजरा करण्यात आला. शाळा भरल्यानंतर कार्यक्रमाची सुरुवात दीपप्रज्वलन, शास्त्रज्ञांच्या प्रतिमापूजनाने करण्यात आली. सी. व्ही. रामन तसेच विक्रम साराभाई यांच्या प्रतिमांना पुष्पहार अर्पण करून विज्ञान गीताने कार्यक्रमास प्रारंभ झाला. या उपक्रमातून विज्ञानाची उपयुक्तता समाजात पोहोचवणे, वैज्ञानिक दृष्टिकोन वाढवणे, विद्यार्थ्यांमध्ये संशोधनाची आवड निर्माण करणे, हा उद्देश आहे.