वैतागवाडीतील समस्यांची प्रशासनाकडून दखल

वैतागवाडीतील समस्यांची प्रशासनाकडून दखल
विक्रमगड, ता. ७ (बातमीदार) ः विक्रमगड तालुक्यातील खुडेद ग्रामपंचायतीअंतर्गत वैतागवाडी येथील ग्रामस्थांनी मांडलेल्या विविध मागण्यांची दखल घेत प्रशासनाने कार्यवाही सुरू केली आहे. त्यामुळे वैतागवाडी गावाची समस्यांतून सुटका होण्याची शक्यता आहे.
वैतागवाडीतील विकासकामे, ग्रामसभा साहित्य खरेदी, रोहयोअंतर्गत रखडलेली कामे सुरू करणे तसेच ग्रामपंचायत कार्यालयाकडील आवश्यक माहिती उपलब्ध करून देण्याबाबत महत्त्वाच्या मागण्या मांडण्यात आल्या होत्या. या मागण्यांचा विचार करून ग्रामपंचायतीने प्रशासकीय प्रक्रिया सुरू केल्याचे पत्रात नमूद करण्यात आले आहे. तसेच चर्चेसाठी आवश्यक असलेल्या साहित्य खरेदीची प्रक्रिया ३० मार्चपर्यंत पूर्ण करणार असल्याचे स्पष्ट केले आहे. शिवाय, वैतागवाडी ग्रामसभेत मंजूर रोहयो आराखड्यातील रखडलेल्या विकासकामांना गती देण्यासाठी प्रस्ताव सादर केला आहे.