दांडेकर विद्यालयाजवळ बसचा थांबा

दांडेकर विद्यालयाजवळ बसचा थांबा
पालघर (बातमीदार)ः रोटरी क्लब ऑफ पालघरच्या वतीने तसेच सरिता अँड सुरेश भूपाल बहिरशेठ ट्रस्ट यांच्या प्रायोजकत्वाखाली दांडेकर कॉलेज, पालघर येथे विद्यार्थ्यांसाठी उभारण्यात आलेल्या बस थांब्याचे उद्‍घाटन आज करण्यात आले.
दांडेकर कॉलेजमध्ये ये-जा करणाऱ्या विद्यार्थ्यांना सुरक्षित व सोयीस्कर पद्धतीने प्रवास करता येणार आहे. याप्रसंगी दांडेकर कॉलेज शिक्षण मंडळाचे अध्यक्ष सी. ए. सचिन कोरे, प्राचार्य किरण सावे, माजी विद्यार्थी संघाचे अध्यक्ष अनंत पाटील तसेच सरिता अँड सुरेश भूपाल बहिरशेठ ट्रस्टचे जॉइंट मॅनेजिंग ट्रस्टी सागर पाटील, रोटरी क्लब ऑफ पालघरचे अध्यक्ष संजय महाजन, सेक्रेटरी मनीष पिंपळे, शैला महाजन भगवान पाटील, निनाद सावे, रोटरी क्लब ऑफ उमरोळीचे अध्यक्ष सागर घरत, पालघर नगर परिषदेचे नगरसेवक. रोटरी क्लब ऑफ पालघरचे माजी अध्यक्ष जयेश आव्हाड, मेडिकल डायरेक्टर कल्पेश पाटील तसेच पदाधिकारी मोठ्या संख्येने उपस्थित होते.