अल्पवयीन मुलगी बोईसरमधून बेपत्ता

अल्पवयीन मुलगी बोईसरमधून बेपत्ता
बोईस (वार्ताहर): बोईसर परिसरातून बेपत्ता झालेल्या अल्पवयीन मुलीचा दोन महिन्यांनंतरही ठावठिकाणा लागला नसल्याने पालकांमध्ये चिंतेचे वातावरण आहे. या प्रकरणात पोलिसांकडून तपासात दिंरगाई होत असल्याचा आरोप स्थानिकांनी केली आहे. हनुमान नगर-गणेश नगर परिसरातून १४ जानेवारी २०२६ रोजी अल्पवयीन मुलगी बेपत्ता झाल्याची तक्रार बोईसर पोलिस ठाण्यात नोंदवली होती. मात्र दोन महिने उलटूनही मुलीचा शोध घेण्यात पोलिसांना यश आले नाही. मुलीची आई पोलिस ठाण्याच्या फेऱ्या मारत आहेत. या घटनेमुळे महिलांच्या सुरक्षेचा प्रश्न पुन्हा ऐरणीवर आला असून वरिष्ठ पोलीस अधिकाऱ्यांनी या प्रकरणात लक्ष घालावे, अशी मागणी स्थानिकांकडून करण्यात येत आहे.