पार्कसाईटसाठी ४१७ क्रमांकाची बससेवा सुरू करा

पार्कसाईटसाठी ४१७ क्रमांकाची बससेवा सुरू करा
घाटकोपर, ता. ११ : शिवसेना (उद्धव बाळासाहेब ठाकरे) पक्षाचे नगरसेवक तसेच बेस्ट समिती सदस्य सुनील मोरे यांनी विक्रोळी येथील बेस्ट डेपोला भेट देत अधिकाऱ्यांसोबत आढावा बैठक घेतली. या वेळी पार्कसाईट परिसरासाठी अत्यंत महत्त्वाची असलेली ४१७ क्रमांकाची बससेवा तातडीने सुरू करण्याची मागणी त्यांनी केली. या बैठकीस विक्रोळी डेपोचे आगार व्यवस्थापक संजय मांजरेकर आणि अभियांत्रिकी विभागाचे सहाय्यक अभियंता संतोष बनकर उपस्थित होते.