‘चला खेळ खेळूया पैठणीचा’ उपक्रमात महिलांचा उत्स्फूर्त सहभाग खारघर,ता.10 (बातमीदार) : शालेय जीवनात विविध खेळ खेळत असे,मात्र महिला दीना निमित्त ''चला खेळ खेळूया पैठणीचा'' या कार्यक्रमाच्या माध्यमातून अनेक वर्षांनंतर विविध खेळ खेळण्याचा आनंद घेत असताना,विविध खेळ खेळून पैठणी प्राप्त झाल्यामुळे पैठणीचे स्वप्न पूर्ण झाल्याची भावना प्रभाग क्रमांक सहा मधील महिलांनी आपल्या भावना व्यक्त करताना दिसून आले. यावेळी विजेत्या महिलांना मोहिनी विक्रांत पाटील आणि नगरसेविका स्नेहल डमाळे यांच्या हस्ते विजेत्या महिलाना पैठणी देवून सन्मान करण्यात आले. वास्तुविहार सेलिब्रेशन परिसरात वास्तव्यास असलेल्या माजी नगरसेविका संजना कदम आणि नगरसेवक समीर कदम यांच्या माध्यमातून महिला दिनानिमित्त प्रभागातील महिलांसाठी ''चला खेळ खेळूया पैठणीचा'' तसेच विविध प्रकारच्या खेळांच्या स्पर्धा आयोजित केल्या होत्या. या स्पर्धेमध्ये मोठ्या संख्येने प्रभागातील महिलांनी विविध खेळ खेळून खेळाचा मनमुराद आनंद लुटला. यावेळी संजना कदम यांनी उपस्थित महिलांना महिला दिनाचे महत्व सांगितले. तर नगरसेवक समीर कदम यांनी पालिकेच्या माध्यमातून तसेच आमदार विक्रांत पाटील यांच्या माध्यमातून महिलेच्या विविध योजनांचा लाभ मिळवून देण्यासाठी प्रयत्न केला जाईल असे आश्वासन दिले. दरम्यान मोहिनी पाटील यांनी राज्यात भाजप सत्ते वर असल्यामुळे मुख्यमंत्री देवेंद्र फडणविस यांच्या प्रयत्नामुळे लाडकी बहीण ,लखपती दीदी हे उपक्रम सुरु असून शासनाच्या विविध योजनेचा लाभ मिळवून देण्यासाठी समीर आणि संजना कदम हे दाम्पत्य आपल्या सेवेसाठी तत्पर असल्याचे सांगितले. दरम्यान यावेळी चला खेळ खेळूया पैठणीचा खेळाच्या मानकरी ठरलेल्या मंगल गरजे , सोनी कलवार, छाया बैरागी ,मती वेलणकर ,संगीता खोपडेयांच्यासह इतर स्पर्धेतील विजेत्यांना मोहिनी विक्रांत पाटील आणि नगरसेविका स्नेहल डमाळे,संजना कदम यांच्या हस्ते विजेत्याना मानाची पैठणी देऊन गौरविण्यात आले