कळव्यात रिक्षाला आग

कळव्यात रिक्षाला आग
सकाळ वृत्तसेवा
ठाणे : कळवा येथील पारसिकनगरमधील रेतीबंदर सर्कल येथे पार्क केलेल्या रिक्षाला मंगळवारी (ता. १०) सायंकाळी अचानक आग लागल्याची घटना समोर आली. घटनेची माहिती मिळताच घटनास्थळी आपत्ती व्यवस्थापन कक्षाने धाव घेत, त्या आगीवर नियंत्रण मिळविले. सुदैवाने या घटनेत कोणालाही दुखापत झाली नाही. आगीमुळे प्रवीण गुज्जर यांच्या मालकीच्या रिक्षाचे नुकसान झाले आहे. या वेळी एक फायर व एक रेस्क्यू वाहन पाचारण करण्यात आल्याची माहिती ठाणे महापालिका आपत्ती व्यवस्थापन कक्षाने दिली.