रमजान महिन्यात मदरशात झोपणे पडले महागात;

घरफोडीत ३.५ लाखांचा ऐवज लंपास
ठाणे, ता. १७ : रमजान महिन्यामुळे कुटुंबासह राहत्या इमारतीतील मदरशात झोपणे एका वयोवृद्धाला चांगलेच महागात पडले. यादरम्यान चोरट्याने रोख रकमेसह सोने-चांदीचे दागिने असा साडेतीन लाखांचा ऐवज घेऊन पोबारा केला. याप्रकरणी डायघर पोलिस ठाण्यात गुन्हा दाखल झाला आहे.
ग्रीनलॅण्ड अपार्टमेंटजवळील इमारतीत राहणारे मसूद अहमद मोहम्मद सबीत तुर्की (६२) हे रमजान महिन्यामुळे कुटुंबासह त्याच इमारतीतील मदरशात सकाळी ६.१५ वाजता झोपण्यासाठी गेले. दुपारी साडेबारा वाजता ते घरी परतले असता दरवाजा उघडा व कुलूप गायब असल्याचे निदर्शनास आले. प्रवेश करून पाहणी केली असता दोन्ही बेडरूममधील कपाटे उघडी असून, सामान अस्ताव्यस्त पडलेले आढळले. या घटनेत कपाटातील सोन्याचे दागिने आणि २५ हजारांची रोख रक्कम तसेच महत्त्वाची कागदपत्रे मिळून एकूण सुमारे ३.५ लाखांचा ऐवज चोरीला गेला आहे. याप्रकरणी पुढील तपास वरिष्ठ निरीक्षक श्रीराम पौळ यांच्या मार्गदर्शनाखाली सुरू आहे.