२४ तासांत तिघे जेरबंद
घरफोडीच्या घटनांचा कासा पोलिसांकडून उलगडा
कासा, ता. १८ (बातमीदार)ः कासा परिसरातील दोन घरफोडीतील आरोपींना २४ तासांत जेरबंद करण्यात कासा पोलिसांना यश आले आहे. या प्रकरणातील पाच लाख ७४ हजारांचा ऐवजही पोलिसांनी हस्तगत केला आहे.
कासा येथील पाटीलपाडा परिसरात अमोल भोये यांच्या बंद घरातून मंगळसूत्र, सोन्याची चैन, कानातील झुमके, सोन्याचे मणी असा दोन लाख ७२ हजार रुपयांचा ऐवज चोरण्यात आला होता, तर कासा गायकवाडपाडा येथील अपर्णा गुप्ता यांच्या घरातील सोन्याचे दागिने, चांदीचा कमरपट्टा, पायातील पैंजण असा तीन लाख दोन हजार ५०० रुपयांचा ऐवज चोरण्यात करण्यात आला. दोन्ही घटनांची कासा पोलिस ठाण्यात नोंद झाल्यानंतर भारतीय न्याय संहिता २०२३ अंतर्गत गुन्हे दाखल करण्यात आले होते. या वेळी पोलिसांच्या पथकाने गुजरातमधील सुरत येथून राजेश मालवी (२९), दिलखुश बंजारा (वय २३), अंकित गोदावजला (वय २५) अटक केली आहे.
------------------------------------
धाडसाचे कौतुक
गेल्या काही दिवसांपासून परिसरात भुरट्या चोरांचा सुळसुळाट वाढला होता. फेरीवाले, अनोळखी व्यक्तींमार्फत चोरी होत असल्याचा संशय व्यक्त केला जात होता. मात्र, २४ तासांत आरोपींना अटक झाल्याने कासा पोलिसांच्या धाडसाचे कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.