ठाण्याच्या मानपाडा येथे फ्लॅटमध्ये आग

मानपाडा येथे फ्लॅटला आग
सकाळ वृत्तसेवा
ठाणे, ता. १९ : ठाण्यातील मानपाडा येथील स्नोड्रॉप इमारतीच्या सातव्या मजल्यावरील रूम क्रमांक ७०२ या फ्लॅटमध्ये बुधवारी (ता. १८) आग लागली. या घटनेत कोणालाही दुखापत झाली नाही. या घटनेची माहिती मिळताच अग्निशमन दलाच्या दोन गाड्या आणि आपत्ती व्यवस्थापन पथक घटनास्थळी दाखल झाले होते. सुमारे ८.४५ वाजता आगीवर पूर्णपणे नियंत्रण मिळविण्यात यश आले. या आगीत अनिल जगवानी यांच्या मालकीच्या घरातील कपाट, एसी, सीलिंग, बेड व विद्युत वायरिंग जळून नुकसान झाले असून, आगीचे कारण अद्याप स्पष्ट झालेले नाही.