लहान बालिकेवर केला लैंगिक अत्याचार पोस्को अंतर्गत आरोपीस अटक

बालिकेवर अत्याचारप्रकरणी एकाला अटक
मुरुड, ता. २० (बातमीदार) ः एका पाचवर्षीय मुलीवर लैंगिक अत्याचार केल्याप्रकरणी एकाला अटक करण्यात आली आहे. पोलिसांनी दिलेल्या माहितीनुसार एका ५२ वर्षीय व्यक्तीने हे कृत्य केले. पीडित पाचवर्षीय मुलगी ही आपल्या घराजवळ खेळत असताना संबंधित आरोपीने या मुलीस गोड बोलून आपल्या घरी नेले. तिच्यासोबत अश्लील चाळे करून मोबाईलमधील अश्लील फोटोही तिला दाखवले. या प्रकारामुळे मुलगी घाबरली. तिच्यासोबत घडलेला सर्व प्रकार तिने आईला सांगितला. याबाबत कुटुंबीयांनी मुरूड पोलिस ठाण्यात तक्रार केली. पोलिसांनी आरोपीला अटक केली. पुढील तपास सहाय्यक पोलिस निरीक्षक राजेश रसेडे करीत आहेत.