हरीनामाच्या गजरात पादुकांचे आगमन

हरिनामाच्या गजरात पादुकांचे आगमन
प्रभादेवी, ता. २० : श्रीगुरू पादुका दर्शन साेहळ्यासाठी शुक्रवारी संत आणि सद्‌गुरूंच्या पादुकांचे भक्तिमय आणि उत्साहाच्या वातावरणात आगमन झाले. या वेळी हरिनामाचा घाेष आणि टाळ-मृदंगाच्या गजराने संपूर्ण परिसर दुमदुमून गेला हाेता.

‘सकाळ माध्यम समूहा’ने या भक्तीच्या महाकुंभाच्या माध्यमातून भाविकांना एकाच छताखाली संत आणि सद्‌गुरूंच्या २१ पादुकांची दर्शनसेवा उपलब्ध केली आहे. संध्याकाळपासून पादुका आगमनास सुरुवात झाली. या पादुकांचे महिलांनी औक्षण करून स्वागत केले. शनिवारी उद्‌घाटनापूर्वी श्रीगुरू पादुकांची टाळ-मृदंगाच्या गजरात वाजत-गाजत मिरवणूक काढण्यात येणार आहे.