‘वसईचा पर्यटन विकास दुर्लक्षित’

‘वसई भविष्यातील पर्यटनवाढीचे केंद्र’
विरार (बातमीदार)ः तालुक्यात ऐतिहासिक, धार्मिक, सागरी पर्यटनासाठी अनेक ठिकाणे आहे. त्यांच्या विकासासाठी राज्य सरकारने पुढाकार घ्यावा, अशी मागणी भाजपचे आमदार राजन नाईक यांनी विधानसभेत केली. वसई तालुक्यात वसई व अर्नाळा येथे ऐतिहासिक किल्ले आहेत. त्याचबरोबर जीवदानी देवी, तुंगारेश्वर, बौद्ध स्तूप अशी धार्मिक ठिकाणे आहेत. वसई तालुक्याला समृद्ध सागरीकिनारा लाभला आहे. विशेषत: मुंबईपासून जवळचा परिसर असल्यामुळे राज्य सरकारने पर्यटनाला चालना द्यावी, अशी मागणी आमदार राजन नाईक यांनी केली. वसई तालुक्यात शेकडो घरे ५० ते १०० वर्षांपूर्वीची आहेत. मात्र, या घरांना ओसी नसल्याच्या कारणावरून महापालिकेकडून पिण्याच्या पाण्याचा पुरवठा केला जात नाही. या नागरिकांना पिण्याचे पाणी उपलब्ध करून द्यावे, अशी मागणी त्यांनी केली.