‘इच्छापेटी’त उपक्रमाचे भाविकांकडून स्वागत

‘इच्छापेटी’ उपक्रमाचे भाविकांकडून स्वागत

मुंबई, ता. २१ : श्रीगुरू पादुका दर्शन सोहळ्यात भाविकांनी विविध संत-सद्‍गुरूंच्या पादुकांचे दर्शन घेत असताना आपल्या इच्छेलाही मार्ग दाखवला. त्यासाठीच्या इच्छापेटी उपक्रमाचे भाविकांकडून स्वागत करण्यात आले.
पादुका दर्शन सोहळ्यात स्वतंत्र इच्छापेटी ठेवण्यात आली आहे. यामध्ये भाविकांनी आपली इच्छा एका अर्जाद्वारे व्यक्त करायची आहे. पादुकांच्या दर्शनास सुरुवात होताच अनेक भाविकांनी या इच्छापेटीच्या माध्यमातून स्वतःच्या इच्छेला मार्ग दाखवायला सुरुवात केली.‌ कुणी आध्यात्मिक सेवेसाठी पुढाकार घेण्याची, तर कुणी देणगी देण्यासाठी तयारी दर्शवली. काहींनी आरोग्यविषयक मदत करण्यासाठीही इच्छा व्यक्त केली. अत्यंत तन्मयतेने भाविक आपल्या इच्छा व्यक्त करीत होते. इच्छापेटीचा हा उपक्रम अत्यंत स्तुत्य असून यातून अनेक प्रश्न, अनेकांच्या समस्या समाजासमोर येतील आणि त्यांना योग्य ते मार्गदर्शन मिळेल, अशी अपेक्षाही अर्ज भरताना भाविकांनी व्यक्त केली.