पर्यावरण संवर्धनाची प्रदर्शनातून जनजागृती

पर्यावरण संवर्धनाची प्रदर्शनातून जनजागृती
मिरा-भाईंदर पालिकेचा वसुंधरा महोत्सव सुरू
भाईंदर, ता. २२ (बातमीदार) : माझी वसुंधरा अभियानांतर्गत मिरा-भाईंदर पालिकेने वसुंधरा महोत्सव भरवला होता. या महोत्सवाच्या माध्यमातून पंचतत्त्वांवर(भूमी, जल, अग्नी, वायू, आकाश) आधारित मूल्यांच्या माहितीची जनजागृतीसाठी प्रदर्शनाते आयोजन करण्यात आले होते.
पर्यावरण व संस्कृती संवर्धनासाठी विविध स्टॉल्स, औषधी वनस्पतींची बियाणे, रोपे, नर्सरी, आयुर्वेदिक आणि सौंदर्य उत्पादने, हस्तकला व हस्तमाग वस्त्रांचे प्रदर्शन यांचा समावेश होता. याशिवाय, आधुनिक तंत्रज्ञानाच्या मदतीने सोलार सेल्स, सोलार बॅटरी, रेन वॉटर हार्वेस्टिंगसारख्या पर्यावरणपूरक उपाययोजनांचे सादरीकरणही करण्यात आले. याव्यतिरिक्त नागरिक व शाळेतील मुलांना पर्यावरणाचे महत्त्व, जतन, संरक्षण व जनजागृती करण्याच्या दृष्टीने महापालिकेतर्फे वेगवेगळ्या स्पर्धा घेण्यात आल्या. त्यात परसबाग स्पर्धा, पर्यावरणपुरक प्रकल्प प्रदर्शन, मॅग्रोज क्लिनिंग स्पर्धा, वॉल पेंटिंग स्पर्धा, सर्वोत्तम हरित शाळा, सर्वोत्तम हरित हाऊसिंग सोसायटीचा समावेश होता.
------------------------------------
पर्यावरण संवर्धन ही केवळ शासकीय जबाबदारी नसून प्रत्येक नागरिकाची सामूहिक जबाबदारी असल्याचे सांगून महापौर डिंपल विनोद मेहता यांनी प्रत्येक नागरिकाने ‘एक झाड - एक जबाबदारी’ हा संकल्प करावा.
- राधाबिनोद शर्मा, आयुक्त