तिकीट तपासणीसांचा सन्मान

तिकीट तपासनीसांचा सन्मान

मुंबई, ता. २२ (बातमीदार) : तिकीट तपासनीस परिवार मुंबईतर्फे गुढीपाडव्याच्या पूर्वसंध्येला माटुंगा (पूर्व) येथील मध्य रेल्वे ऑफिसर क्लब हॉलमध्ये हिंदू नववर्ष स्वागत सोहळा आणि वर्षभर उत्कृष्ट कामगिरी करणाऱ्या तिकीट तपासनीस कर्मचाऱ्यांचा सन्मान समारंभ मोठ्या उत्साहात पार पडला. याप्रसंगी डीआरएम हिरेश मीना यांच्या हस्ते वर्षभर उल्लेखनीय कार्य करणाऱ्या १३५ तिकीट तपासनीस कर्मचाऱ्यांचा चषक देऊन सन्मान करण्यात आला. तसेच उत्कृष्ट तिकीट तपासनीस कार्यालय म्हणून पनवेल आणि भायखळा सीटीआय कार्यालयांचाही गौरव करण्यात आला. कार्यक्रमात जीवन गौरव पुरस्काराने सुनील कुमार बी यांना सन्मानित करण्यात आले. कार्यक्रमाचे यशस्वी आयोजन परिवाराचे अध्यक्ष संजय आंग्रे, कार्याध्यक्ष राजन सुर्वे, सचिव डी. व्ही. चिंदरकर आणि त्यांच्या सहकाऱ्यांच्या नियोजनामुळे शक्य झाले. सांस्कृतिक कार्यक्रमात सहभागी कलाकारांनीही आपली कला सादर करून कार्यक्रमाची रंगत वाढवली.