चिमणी दिनानिमित्त घरटी रंगविण्याचा उपक्रम

चिमणी दिनानिमित्त घरटी रंगविण्याचा उपक्रम

धारावी, ता. २३ (बातमीदार) ः जागतिक चिमणी दिनानिमित्त धारावीतील मनोहर जोशी महाविद्यालयात शालेय विद्यार्थ्यांसाठी चिमण्यांची कृत्रिम घरटी रंगविण्याचा उपक्रम आयोजित करण्यात आला. विद्यार्थ्यांनी उत्स्फूर्त सहभाग घेत कल्पकतेने घरटी सजवली.
‘स्पॅरोज शेल्टर’संस्थेतर्फे आयोजित या उपक्रमात तयार घरटी परिसरातील झाडांवर लावून चिमण्यांसाठी दाणा-पाण्याची सोय करण्याचे नियोजन करण्यात आले. ‘एक घरटे-एक विद्यार्थी’ या संकल्पनेतून घरट्यांची देखभाल विद्यार्थ्यांकडून केली जाणार आहे. या वेळी माजी आमदार बाबूराव माने, संस्थेचे प्रमुख प्रमोद माने व कला शिक्षक विशाल जाधव उपस्थित होते. चिमण्यांचे संरक्षण व संवर्धनासाठी सर्वांनी पुढाकार घ्यावा, असे आवाहन या वेळी करण्यात आले.