पालघर जिल्ह्यातील खेळाडूंचे यश

पालघर जिल्ह्यातील खेळाडूंचे यश
कासा (बातमीदार) ः महाराष्ट्र कराटे स्पोर्ट्स असोसिएशन ऑफ ठाणे यांच्या वतीने ठाण्यातील नानजीभाई खिमजीभाई ठक्कर महाविद्यालयात राष्ट्रीय कराटे स्पर्धा उत्साहात झाली. या स्पर्धेत पालघर जिल्ह्यातील निलय मर्देने एक सुवर्ण, एक रौप्यपदकासह चषक पटकावला. आस्तिक वैष्णवने दोन रौप्यपदके, एक चषक जिंकला, तर हिंदवी मर्देने एक सुवर्ण व एक रौप्यपदकासह चषक मिळवत उत्कृष्ट कामगिरी केली. चार राज्यांतील २४२ निवडक खेळाडूंनी या स्पर्धेत सहभाग नोंदवला असल्याची माहिती स्पर्धेचे आयोजक नासिर मुलाणी यांनी दिली.