लाडक्या बहिणींनी लाभासाठी ३१ मार्चपूर्वी ई केवायसी करणे आवश्यक

लाडक्या बहिणींनी लाभासाठी ३१ मार्चपूर्वी ई केवायसी करणे आवश्यक
कामोठे, ता.२४ ( बातमीदार ) : मुख्यमंत्री माझी लाडकी बहीण योजनेअंतर्गत रायगड जिल्ह्यातील २२,३७५ महिलांनी अद्याप ई केवायसी प्रक्रिया पुन्हा पूर्ण केलेली नाही. त्यामध्ये पनवेल तालुक्यातील ५,१४० महिलांचा समावेश आहे. लाभार्थींना योजनेचा लाभ मिळण्यात अडथळा निर्माण झाला असून लाडक्या बहिणींना लाभासाठी ३१ मार्चपूर्वी ई केवायसी प्रक्रिया पूर्ण करावी लागणार आहे.
महिलांना आर्थिक सहाय्य देऊन त्यांचे सक्षमीकरण स्वावलंबन वाढवणे व कुटुंबाच्या आर्थिक स्तरियास हातभार लावणे या उद्देशाने महाराष्ट्र शासनाची लाडकी बहीण योजना २०२४ पासून सुरू करण्यात आलेली आहे.
रायगड जिल्ह्यामध्ये या योजनेअंतर्गत एकूण ६३,७८२ महिलांनी ई केवायसी प्रक्रिया पूर्ण केली होती. परंतु तांत्रिक कारणास्तव ती प्रक्रिया चुकीची अपूर्ण असल्याचे सरकारच्या निदर्शनास आले आहे. तसेच पनवेल तालुक्यातील ५,१४० महिलांनी अद्याप ई केवायसी प्रक्रिया पुन्हा पूर्ण केलेली नाही. तरी ही केवायसी प्रक्रिया ३१ मार्च २०२६ पूर्वी पूर्ण करण्याचे आवाहन जिल्हा महिला व बालविकास विभागामार्फत केले आहे.