कृषी प्रतिष्ठानकडून पोलिसांचा सन्मान

कृषी प्रतिष्ठानकडून पोलिसांचा सन्मान
वाणगाव (बातमीदार): डहाणूतील एका वस्तीगृहातून बेपत्ता झालेल्या विद्यार्थिनीला अवघ्या मिनिटात पोलिसांनी शोधून काढले होते. या घटनेमुळे डहाणू पोलिसांच्या कार्यतत्परतेचे सर्व स्तरातून कौतुक होत आहे. आजारी असल्याने दवाखान्यात जाते असल्याचे कारण सांगून महाविद्यालयीन विद्यार्थी वस्तीगृहाच्या परवानगीने बाहेर गेली होती. परंतु, वेळेत परत वस्तीगृहात आली नसल्यामुळे संस्थेच्या कर्मचाऱ्यांनी वाणगाव पोलिस स्टेशनचे प्रभारी पोलिस अधिकारी तुषार पाचपुते यांच्याशी संपर्क साधला होता. यावेळी जिल्ह्याचे पोलिस अधीक्षक यतीश देशमुख यांच्या नेतृत्वाखाली वाणगाव पोलीस स्टेशनचे प्रभारी अधिकारी तुषार पाचपुते यांसह त्यांच्या टीमने क्षणाचाही विलंब तातडीने शोध मोहीम सुरू केली. तसेच अवघ्या पंधरा मिनिटात विद्यार्थिनीला शोधण्यात यश मिळविले होते.