आज पालिकेची विशेष सर्वसाधारण सभा
आरोग्य, बेघर निवारा केंद्रासह ११ विषयांवर होणार चर्चा
वसई, ता. २९ (बातमीदार)ः वसई-विरार शहरपालिकेच्या विशेष सर्वसाधारण सभा सोमवारी ( ता.३०) दुपारी ३ वाजता मुख्यालयात होणार आहे. या सभेत बेघरांसाठीचा नवीन निवारा केंद्र, आरोग्य, नाट्यगृह तसेच शहरातील विकास कामांचे अकरा विषय मांडण्यात येणार आहेत.
वसई-विरार शहर महापालिका हद्दीतील वसई पूर्व वालीय येथे शहरी बेघरांसाठी नवीन रात्र निवारा केंद्र इमारत उभारण्यात येणार आहे. या इमारतीच्या खर्चासाठीची प्रशासकीय तसेच वित्तीय मान्यता देऊन ई-निविदा कार्यप्रणाली दर मागवण्यासाठीचा विषय सादर होणार आहे. तसेच महापालिकेच्या ६ महिने कंत्राटी तत्वावर कार्यरत वैद्यकीय अधिकारी, पॅरामेडिकल कर्मचाऱ्यांच्या समावेशाबाबत निर्णय घेण्यात येणार आहे. याचबरोबर वसई पूर्वेतील सातिवली पायधुनी येथील महेश इंडस्ट्री जवळ आरोग्य केंद्र उभारणे, वसई पूर्व-पश्चिम भागात पदपथ तयार करणे, गटार बांधणे, कुंभारपाडा नाका ते खंदरपाडा रोड पर्यंत रस्ता रुंदीकरणावर चर्चा होण्याची शक्यता आहे.
-------------------
सत्ताधारी-विरोधक आक्रमक
गेल्या महासभेत सत्ताधारी बहुजन विकास आघाडी, भाजप आमनेसामने आले होते. त्यामुळे काहीकाळासाठी तणावाचे वातावरण निर्माण झाले होते. पण महापौर अजीव पाटील यांनी वेळीच हस्तक्षेप केला होता. त्यामुळे आज होणारी सर्वसाधारण सभापण अशाच प्रकारे गाजण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.