चैत्र गौरी उत्सवाची धूम

चैत्र गौरी उत्सवाची धूम
कासा (बातमीदार) ः चैत्र महिन्याच्या आगमनाबरोबरच डहाणू तालुक्यासह परिसरात चैत्र गौरीच्या हळदी-कुंकू समारंभांची लगबग सुरू झाली असून, सर्वत्र उत्साहाचे वातावरण पाहायला मिळत आहे. या पारंपरिक सोहळ्यात आंब्याची वाटली डाळ, कैरीचे पन्हे वाटपातून आदरातिथ्य केले जात आहे.
चैत्र शुक्ल तृतीयेला देवघरातील अन्नपूर्णा देवीचे गौरीरूपाने विधिवत स्थापना केली जाते. सुहासिनींना वेगळे आसन देऊन गौर बसवली जाते. महिनाभर तिची भक्तिभावाने पूजा केली जाते. या काळात मंगळवार, शुक्रवार सोयीप्रमाणे हळदी-कुंकू समारंभ होत आहेत.