अलिबागमधील रक्तदान शिबिरात १६१ जणांचे रक्तदान

अलिबागमधील रक्तदान शिबिरात १६१ जणांचे रक्तदान
अलिबाग, ता. २ (वार्ताहर) : भगवान महावीर जयंतीनिमित्त कच्छीभवन ट्रस्ट अलिबाग आणि लायन्स क्लब अलिबाग यांच्या संयुक्त विद्यमाने कच्छ युवक संघ, ऐकरवाला रक्तदान शिबिराचे आयोजन मंगळवारी (ता. ३१) अलिबागमधील कच्छी जैन भवन येथे आयोजित करण्यात आले होते. या रक्तदान शिबिरात १६१ रक्तदात्यांनी रक्तदान केले.
रक्तदान शिबिरामध्ये अलिबागच्या नगराध्यक्षा अक्षया नाईक, उपनगराध्यक्षा मानसी म्हात्रे, नगरसेवक अनिल चोप्रा, अलिबागचे निरीक्षक किशोर साळे, लायन्स क्लब अलिबागचे अध्यक्ष प्रदीप नाईक, गिरिश म्हात्रे, महेश कवळे, कच्छी भवन ट्रस्टचे धिरेंद्र काराणे, केतन शहा, धर्मेश देढिया, साई मोटर ट्रेनिंग स्कूलचे मेहूल पाटील, जिल्हास्तरीय मुख्यमंत्री सहाय्यता निधी व धर्मादाय रुग्णालय मदत कक्षाचे अधीक्षक संग्राम माकर, वैद्यकीय समन्वयक चिन्मय तळेकर आदी उपस्थित होते.
तसेच, या रक्तदान शिबिरामध्ये प्रशांत नाईक मित्रमंडळ, लायन्स क्लब अलिबाग डायमंड, अलिबाग रेवस मिनिडोर संघटना, अलिबाग ऑटो रिक्षा संघटना, आगरी समाज संस्था अलिबाग, उज्ज्वल भविष्य सामाजिक संस्था, माणुसकी प्रतिष्ठान आणि मुंबई कॉलेज ऑफ हॉटेल मॅनेजमेंट अलिबाग या संस्थांनीदेखील सहभाग नोंदविला.