ठाण्यात जुन्या इमारतीचा स्लॅब कोसळला

स्लॅब कोसळून वृद्ध महिला जखमी
ठाणे : माजिवडा परिसरातील वेलंकनी बिल्डिंगमध्ये गुरुवारी स्लॅब कोसळला. यात किर्ती कवीलकर (वय अंदाजे ७०) यांना किरकोळ दुखापत झाली आहे. तसेच ही इमारत सी२ए (धोकादायक) प्रवर्गातील असल्याने सुरक्षेच्या कारणास्तव संपूर्ण इमारत रिकामी करण्यात आली आहे. महापालिका आपत्ती व्यवस्थापन कक्षेने दिलेल्या माहितीनुसार, तळ अधिक ३ मजली, सुमारे ३० ते ३५ वर्षे जुन्या वेलंकनी इमारतीच्या पहिल्या मजल्यावरील एका रूमचा स्लॅब अचानक कोसळला. या घटनेत किर्ती कवीलकर यांना किरकोळ मार लागला. या इमारतीतील १२ सदनिकांमध्ये ४० ते ४५ रहिवासी राहत होते. त्यापैकी १२ ते १५ जणांना तात्पुरत्या स्वरूपात स्थलांतरित करण्यात आले आहे. उर्वरित बांधकाम धोकादायक असल्याने इमारत सीलबंद करण्यात आल्याची माहिती ठामपा आपत्ती व्यवस्थापन अधिकारी यासिन तडवी यांनी दिली.