अंबरनाथ (वार्ताहर) : येथील स्वामी समर्थ महाराज मठात दर्शनासाठी आलेल्या भाविकांना दोन फुटी विषारी कोब्रा साप दिसल्याने खळबळ उडाली. मठ परिसरातील अण्णा मस्के यांनी प्रसंगावधान राखत त्वरित सर्पमित्र प्रकाश गोहिल यांना संपर्क साधला. गोहिल तत्काळ घटनास्थळी दाखल होत सापाला पकडून बाटलीत सुरक्षित ठेवले. त्यानंतर त्या कोब्राला हानी न पोहोचवता जवळच्या जंगलात सोडण्यात आले. घटनेमुळे काही काळ मठ परिसरात भीतीचे वातावरण निर्माण झाले होते. मात्र, सर्पमित्राच्या तत्परतेमुळे मोठा अनर्थ टळला.