पनवेल, ता. ९ (वार्ताहर) : मदतीचा बहाणा करून दोघा लुटारूंनी एका तरुणाला निर्जनस्थळी नेऊन, त्याच्यावर चाकूने जीवघेणा हल्ला करून त्याला लुटल्याची घटना पनवेलमधील टेंभुर्डे गावाजवळ घडली आहे. या हल्ल्यात व्यक्ती गंभीर जखमी झाला असून, त्याच्यावर सध्या रुग्णालयात उपचार सुरू आहेत. खांदेश्वर पोलिसांनी जबरी लुटीचा गुन्हा दाखल केला आहे.
गौतम मल्हारी हाके (वय ३२) हा पुण्यात राहण्यास आहे. तो बुधवारी (ता. ८) सकाळी रेल्वे पटरीच्या बाजूने, टेंभुर्डे गाव परिसरातून जात होता. या वेळी तिथे उभ्या असलेल्या दोन व्यक्तींनी त्याला अडवले. त्यातील एका व्यक्तीने माझ्या भावाला चक्कर आली आहे, त्याला मदतीची गरज आहे, असे सांगून गौतमला झाडाझुडपांच्या आडोशाला नेले. मदतीसाठी तो पुढे गेला असता, त्यातील एका लुटारूने त्याला पाठीमागून पकडले. त्यानंतर दुसऱ्या आरोपीने त्याच्या खिशातील २,४०० रुपये जबरदस्तीने काढून घेतले. त्यामुळे हाके याने प्रतिकार केला असता, दोघांनी चाकूने हाके याच्या उजव्या हातावर आणि छातीच्या डाव्या बाजूला वार करून गंभीर जखमी केले व तेथून पळ काढला. या घटनेनंतर जखमी हाके याला तातडीने एम.जी.एम. हॉस्पिटलमध्ये दाखल केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.