रायगड निवासी शिक्षक संघाकडून गुणवंतांचा सत्कार

रायगड निवासी शिक्षक संघाकडून गुणवंतांचा सत्कार
तळा, ता. १० (वार्ताहर): रायगड निवासी शिक्षक संघ, तळा यांच्या वतीने वार्षिक सर्वसाधारण सभा तसेच गुणवंत शिक्षक व विद्यार्थ्यांचा सत्कार समारंभ गायमुख येथे उत्साहात पार पडला.
या प्रसंगी संस्थापक अध्यक्ष कमळाकर चोरगे, गटशिक्षणाधिकारी सुरेखा तांबट यांच्यासह संघटनेचे पदाधिकारी विजय येलवे, भानू मंचेकर,आदी मान्यवर मोठ्या संख्येने उपस्थित होते. यावेळी सेवानिवृत्त शिक्षक, आदर्श शिक्षक, गुणवंत विद्यार्थी, नवोदय व शिष्यवृत्तीधारक विद्यार्थी, आयडॉल शिक्षक तसेच राज्यस्तरीय स्पर्धांमध्ये यश संपादन केलेले शिक्षक व विद्यार्थ्यांचा मान्यवरांच्या हस्ते पुष्पगुच्छ, सन्मानचिन्ह व सन्मानपत्र देऊन गौरव करण्यात आला.
अध्यक्षीय मनोगतातून अमिष भौड यांनी सर्व सदस्यांच्या सहकार्यामुळे संघटना दिवसेंदिवस प्रगती करत असून भविष्यातही विविध शैक्षणिक व सामाजिक उपक्रम राबविण्यात येतील, असा विश्वास व्यक्त केला.