टँकर मधून ऍसिड गळती

टँकरमधून ॲसिडगळती
भाईंदर, ता. १० (बातमीदार) : काशी मिरा येथील लक्ष्मी बाग परिसरात शुक्रवारी (ता. १०) दुपारी एका टँकरमधून मोठ्या प्रमाणात ॲसिडची गळती झाली. या वेळी ॲसिडचा धूर सर्वत्र पसरून अनेकांना श्वास घेण्याचा त्रास झाला. मात्र, अग्निशमन दलाने घटनास्थळी धाव घेऊन परिस्थितीवर नियंत्रण मिळवले.

लक्ष्मीबाग परिसरातील एका कारखान्यात हायड्रोक्लोरिक ॲसिडचा पुरवठा करण्यासाठी आलेल्या टँकरमधून दुपारी दीडच्या सुमारास अचानक गळती सुरू झाली. या वेळी ॲसिड सर्वत्र पसरून मोठा धूर निर्माण झाला व परिसरातील अनेकांना श्वास घेण्यास त्रास होऊ लागला. या वेळी कारखान्यात १० कामगार होते. बाहेर सर्वत्र ॲसिड असल्याने ते बाहेर पडू शकत नव्हते. मिरा-भाईंदर महापालिकेच्या अग्निशमन दलाच्या घटनास्थळी धाव घेत ॲसिडवर माती पसरवली व कामगारांची सुटका केली.

-----------------------------