ठाण्यात मोबाईल चोरीच्‍या घटनांचे सत्र

ठाण्यात मोबाईल चोरीच्‍या घटनांचे सत्र
सकाळ वृत्तसेवा
ठाणे, ता. १३ : शहरात मोबाईल हिसकावण्याच्या घटनांत वाढ होत असून, माजिवडा व घोडबंदर रोड परिसरात सलग दोन दिवसांत घडलेल्या दोन घटनांनी नागरिकांमध्ये भीतीचे वातावरण निर्माण झाले आहे. या दोन्ही घटनांत धूम स्टाइलने दुचाकीवरून आलेल्या चोरट्यांनी मोबाईल जबरीने हिसकावून पलायन केले. दोन्ही घटनेत एक लाखांचे मोबाईल फोन चोरीला गेले आहेत.
पहिली घटना ११ एप्रिल रोजी रात्री साकेत कट, माजिवडा येथे घडली. डोंबिवली येथील जितेश कांचन हे खरेदी करून रिक्षाने घरी जात असताना दोन अनोळखी इसमांनी दुचाकीवरून येत त्यांच्या हातातील ८० हजार रुपये किमतीचा आयफोन १७ प्रो मॅक्स हिसकावून भिवंडीच्या दिशेने पळ काढला, तर दुसरी घटना १२ एप्रिल रोजी घोडबंदर रोडवरील हावरे सिटी परिसरात घडली. आकाश जोशी हे हॉटेलमधून जेवण करून घरी जात असताना दुचाकीवरून आलेल्या दुकलीने त्यांचा २० हजार रुपये किमतीचा गुगल पिक्सेल ७ ऐ मोबाईल हिसकावून कापूरबावडीच्या दिशेने पलायन केले. या दोन्ही घटनांप्रकरणी कापूरबावडी पोलिस ठाण्यात गुन्हे दाखल करण्यात आले असून, वरिष्ठ पोलिस निरीक्षक मंजुषा भोंगळे यांच्या मार्गदर्शनाखाली सुरू आहे.