तारापूर एमआयडीसीत वाहतूक कोंडी

रस्ते कामांमुळे मनस्ताप
तारापूर एमआयडीसीत वाहतूक कोंडी
बोईसर, ता.१३(वार्ताहर) : तारापूर औद्योगिक क्षेत्रातील रस्ते कामांमुळे अनेक ठिकाणी कोंडीची समस्या तीव्र झाली आहे. खोदकामामुळे रस्त्याची एक बाजू बंद असल्याने एकाच मार्गावर वाहने येत असल्याने लांबच लांब रांगा लागत आहेत.
या कामांच्या ठिकाणी कोणतेही सूचना किंवा मार्गदर्शक फलक नसल्याने वाहनचालक थेट या मार्गावर प्रवेश करतात. परिणामी अपघाताचा धोका वाढला असून कामगारांसह प्रवाशांना मोठा त्रास सहन करावा लागत आहे. त्यामुळे प्रशासनाने सूचनाफलक लावून वाहतूक सुरळीत करण्याची मागणी होत आहे.