हा सगळा प्रकार केवळ राजकीय स्टंट - युनूस शेख

हा प्रकार राजकीय स्टंट ः युनूस शेख
सकाळ वृत्तसेवा

ठाणे, ता. १७ : मुलगी मोठी होत असल्यामुळे काहींना खुपत आहे. हा सगळा प्रकार केवळ राजकीय स्टंट असल्याची टीका एमआयएमच्या नगरसेविका सहर शेख यांचे वडील युनूस शेख यांनी केली. शेख हे शुक्रवारी मुंब्रा पोलिस स्थानकात जबाब नोंदवण्यासाठी उपस्थित राहिले होते. त्यानंतर प्रसारमाध्यमांशी बोलताना त्यांनी ही टीका केली.
मुंब्र्यातील नगरसेविका सहर शेख यांचे नगरसेवकपद धोक्यात आले आहे. या प्रकरणावरून मुंब्र्यात राजकारण चांगलेच तापले आहे. या प्रकरणात सहर शेख व युनूस शेख यांची बाजू मांडण्यासाठी एमआयएमचे गटनेते सैफ पठाण यांनी विरोधक आणि तक्रारदारांकडून याचे राजकारण केले जात असल्याचा आरोप केला आहे. तर युनूस शेख हे शुक्रवारी मुंब्रा पोलिस ठाण्यात जबाब नोंदवण्यासाठी उपस्थित राहिले. पोलिसांशी चर्चा केल्यानंतर शेख यांनी प्रसारमाध्यमांशी संवाद साधला. या वेळी आम्ही पुढील दोन दिवसांत आमची भूमिका स्पष्ट करू आणि ठोस उत्तर देऊ. आमच्यावर करण्यात येणारे सर्व आरोप चुकीचे आहेत. या सर्व प्रकरणी करारा जवाब मिलेगा, असा इशारा शेख यांनी दिला. तसेच यामागे कोण कोण आहे, ते समोर येईल, असे त्यांनी स्पष्ट केले.