खडवलीत नदीकाठी तरुणाचा मृतदेह

टिटवाळा (वार्ताहर) : खडवली गावाजवळील नदीकाठी एका तरुणाचा मृतदेह आढळून आल्याने परिसरात खळबळ उडाली आहे. मंगळवारी (ता. २१) सापडलेल्या या मृतदेहावरून हा खून असल्याचा संशय व्यक्त केला जात असून दगडाने ठेचून हत्या करण्यात आल्याचा प्राथमिक अंदाज पोलिसांनी व्यक्त केला आहे. मृत व्यक्तीचे अंदाजे वय २५ ते ३० दरम्यान असल्याचे सांगण्यात येत असून त्याची ओळख अद्याप पटलेली नाही. कल्याण तालुका पोलिसांनी घटनास्थळी धाव घेत पंचनामा करून मृतदेह ताब्यात घेतला आहे. या प्रकरणाचा तपास सुरू असून लवकरच संशयित आरोपींना गजाआड करण्यात येईल, असा विश्वास पोलिसांकडून व्यक्त करण्यात आला आहे.