छ.शिवाजी नगर येथील पाणी प्रश्न मिटणार,

छत्रपती शिवाजीनगर येथील पाणीप्रश्न मिटणार
रोहा, ता. २७ (बातमीदार) ः रोहे शहरातील छत्रपती शिवाजीनगर या विभागात पिण्याच्या पाण्याची समस्या निर्माण झाली होती. कमी दाबाने पाणी येत असल्याने स्थानिकांमध्ये संतापचे वातावरण होते. मुबलक पाणी मिळावे व पाणी समस्या कायमस्वरूपी दूर व्हावी या अनुषंगाने नागरिकांनी नगरसेवकांकडे समस्या मांडली. नगरसेवक अजीत मोरे व नगरसेविका पूर्वा मोहिते यांनी नगराध्यक्षा वनश्री शेडगे, मुख्याधिकारी अजयकुमार एडके, उपनगराध्यक्ष अहमद दर्जी व पाणीपुरवठा सभापती महेंद्र दिवेकर यांची भेट घेऊन हा विषय तातडीने मार्गी लावण्याची मागणी केली होती. त्यानंतर या भागाला बायपास लाइन टाकाण्याचा ठराव पारित केला असून, भूमिपूजन केले आहे. यामुळे परिसरातील पाण्याचा प्रश्न सुटणार असल्याने नागरिकांमधून समाधान व्यक्त होत आहे.