विद्यार्थ्यांनी मैदानी खेळातून उत्तुंग भरारी घ्यावी

मैदानी खेळातून भरारी घ्या
माजी महापौर नारायण मानकर यांचे आवाहन
वसई ता.४ (बातमीदार)ः माणिकपूर येथील जीजस अँड फाउंडेशनतर्फे १९ व्या वार्षिक फुटबॉल स्पर्धा भरवण्यात आली आहे. या स्पर्धेचे उद्‍घाटन माजी महापौर नारायण मानकर यांनी केले. या वेळी खेळातून भविष्यात भरारी घेण्याचे आवाहन त्यांनी केले.
वसई तालुक्यातील शाळकरी, महाविद्यालयीन मुलेमुली विविध खेळात नाव उज्ज्वल करत आहेत. वसई तालुका कला-क्रीडा महोत्सव त्यांना प्रोत्साहन देत आहे. याच अनुषंगाने माणिकपूर येथे फुटबॉलची स्पर्धा भरवण्यात आली आहे. तीन गटात झालेल्या या स्पर्धेत माणिकपूर, वसई परिसरातील खेळाडू मोठ्या संख्येने सहभागी झाले. या स्पर्धेला माणिकपूर गाव तसेच वसई परिसरातील प्रेक्षक मोठ्या संख्येने उपस्थित होते. पालघर जिल्ह्यातील प्रतिष्ठित फुटबॉल स्पर्धांपैकी एक म्हणून या स्पर्धेकडे पाहिले जाते.