डहाणूतील प्रवाशांना लाल परीचा आधार

डहाणू, तलासरीकरांचा सुसाट प्रवास
प्रवाशांची एसटीला पसंती, जादा फेऱ्यांची गरज
कासा, ता. ४ (बातमीदार)ः डहाणू, तलासरी तालुक्यासह राज्यातील विविध जिल्ह्यांमध्ये धावणारी एसटी ग्रामीण व आदिवासी भागासाठी जीवनवाहिनी ठरत आहे. दररोज सुमारे ९ ते ११ हजार प्रवासी या सेवेचा लाभ घेत असून, वाढत्या प्रवासीसंख्येच्या पार्श्वभूमीवर जादा गाड्यांची मागणी होत आहे.
डहाणू, तलासरी, पालघर, नाशिक, जळगाव, कोल्हापूर, धुळे, संभाजीनगर, मालेगाव, जालना या मार्गांवरून एसटीची नियमित वाहतूक सुरू असते. बहुतांश फेऱ्या वेळेत असल्या तरी महामार्गावरील वाहतूक कोंडीचा परिणाम होत असल्याचे चित्र आहे. सध्या आगारात ३१ जुनी व १० नवीन बस कार्यरत आहेत. जुन्या बसमुळे ग्रामीण भागातील प्रवाशांची गैरसोय आहे.
-------------------
दुर्गम भागातील विद्यार्थी, नागरिकांसाठी एसटीचा प्रवास सोयीस्कर असतो. त्यामुळे गावखेड्यांमध्ये एसटीच्या फेऱ्या वाढवण्याची गरज आहे.
- प्रसाद पाटील, उपसरपंच, उर्से
-----------------
डहाणू आगारातून मोठ्या प्रमाणात प्रवासी प्रवास करत आहेत. फलाटांची उंची वाढवली आहे. तसेच शौचालयाचे नूतनीकरण करण्यात आले आहे.
- देवेंद्र शिवदे, वाहतूक निरीक्षक, डहाणू