गटाराच्या धोकादायक झाकणांची अखेर दुरुस्ती

गटाराच्या धोकादायक झाकणांची अखेर दुरुस्ती
मालाड, ता. ४ (बातमीदार) : मालाड पश्चिमेतील मालवणी अंबोजवाडी परिसरात उघड्या गटारात दुचाकीसह पडून महिला जखमी झाल्याची घटना घडल्यानंतर परिसरात संतापाची लाट उसळली होती. या गटाराची अखेर पालिकेने दुरुस्‍ती केली आहे.
नागरिकांनी पालिकेच्या निष्काळजीबाबत तीव्र नाराजी व्यक्त केली होती. या घटनेबाबत ‘सकाळ’च्या शनिवारच्या (ता. २) अंकात वृत्त प्रकाशित करण्यात आले होते. याची दखल घेत येथील झाकणांची दुरुस्‍ती करण्यात आली.
संबंधित विभागातील अधिकाऱ्यांनी घटनास्थळी भेट देऊन पाहणी केली आणि धोकादायक ठरत असलेल्या गटारांच्या लोखंडी झाकणांची तातडीने दुरुस्ती करून घेतली. या दुरुस्तीमुळे परिसरातील दुचाकीस्वार, वाहनचालक तसेच पादचाऱ्यांना मोठा दिलासा मिळाला आहे.