उन्हाची काहिली कमी करतंच

भर उन्हात पोटासाठी खटपट
खाडी परिसरात मासेमारी करण्यासाठी गर्दी

विरार, ता. ७ (बातमीदार) ः कडक उन्हामुळे एकीकडे अंगाची लाहीलाही होत आहे तर दुसरीकडे भर उन्हात खाडी परिसरात पागाने मासेमारी करण्यासाठी झुंबड उडाली आहे.
भरतीच्या वेळी सुरू होणारी मासेमारी ओहोटीपर्यंत चालते. या प्रक्रियेत मिळणारे ताजे मासे घरच्या जेवणासाठी उपयोगी पडतात तर अतिरिक्त मासे विकून चांगले उत्पन्नही मिळते. एका भरती-ओहोटीच्या कालावधीत साधारण २०० ते ५०० रुपयांपर्यंत मासे विक्री होत असल्याचे मच्छीमार सांगतात. खरबी, कोळंबट, निवटी, बोय यांसारख्या माशांना बाजारात मागणी असल्याने खवय्ये ताज्या माशांवर तुटून पडतात. त्याचबरोबर गोड्या तलाव किंवा नदीतील माशांनाही चांगली मागणी असल्याने सुट्टीच्या काळात आनंदाबरोबरच पैसे कमावण्यासाठीची धडपड सुरू आहे.