पंतप्रधानांच्या आवाहनानंतर आशीष शेलारांचा कान्स दौरा रद्द

पंतप्रधानांच्या आवाहनानंतर आशीष शेलारांचा कान्स दौरा रद्द
मुंबई, ता. ११ : देश सध्या कठीण परिस्थितीतून जात असताना राष्ट्रहिताला सर्वोच्च प्राधान्य देण्याचे आवाहन पंतप्रधान नरेंद्र मोदी यांनी केले आहे. त्या आवाहनाला प्रतिसाद देत सांस्कृतिक कार्यमंत्री ॲड. आशीष शेलार यांनी यंदाच्या फ्रान्स येथील कान्स फिल्म फेस्टिव्हलला न जाण्याचा निर्णय जाहीर केला. शेलार यांनी सांगितले की, ‘विभागीय खर्चांमध्ये संयम ठेवण्याचा निर्णय घेण्यात आला आहे. तसेच अधिकाधिक बैठका व्हर्च्युअल माध्यमातून घेण्यात येणार असून, संसाधनांचा मर्यादित वापर करण्यावर भर दिला जाणार आहे. दरम्यान, कान्स चित्रपट महोत्सवात सहभागी होणाऱ्या मराठी चित्रपट तसेच त्यासंदर्भातील आवश्यक समन्वय आणि सहकार्यासाठी संबंधित यंत्रणा नियोजित पद्धतीने कार्यरत राहतील, तसेच मराठी चित्रपटांना प्रोत्साहन देण्यासाठी जिथे आवश्यकता असेल, तिथे ऑनलाइन सहभागी होईल.’